हा ऍरिस्टॉटल तुला;
आठबारा आणे का हो‌ईनात,
पण कायमचे येत रहातील.
फा‌ऊस्ट करून टाकलाय
किंग लि‌अरच्या नावे;
वेडलागला येडबंबू तो
सुपारीपुरती रॉयल्टी
त्याला रग्गड झाली.
धाकटा म्हणतो :
फ्लॅट दिलात
कविता डोक्यावरून गेली.
थोरल्याला विचारायला हवं :
तुला अमृतानुभव चालेल काय ?
न चालून सांगतो कुणास ?
आता ज्ञानेश्वरी
मराठीत आणली की
सुनेच्या दवाखान्याची सोय झाली.
यापुढे ज्या कविता
लिहिणार नाही
त्या ठेवायच्या ता‌ईच्या बॅन्केत
काव्यवाचनाचे पैसे
मला म्हातारपणात पुरेत.
(व्हिस्की-ब्रँडी काय असलं तर काढ गड्या !)
-सदानंद रेगे
No comments:
Post a Comment