अजिंठा
जगाचे अहंकार मोडून बसलेला
नामोनिशान नसलेल्या कुठल्याच हातांचे
ह्या निर्मितीतल्या.
इथल्या दगडातल्या सृष्टीला
पहिल्यांदा चिरंतन प्रतिरूप देणारा
एक बलशाली हात
रॉबर्ट गिलचा.
चिलखती छाताडाच्या निळ्या डोळ्यांतला
एक राजवर्खी झरोखा कुंचल्यांवर रंगांच्या
जगभर युरोपच्या कानाकोपऱ्यात
द्वाही घुमवणारा, अजिंठ्यातली .
त्याच्या राजवर्खी कुंचल्यातल्या
नाजूक बोटांना
डोळ्यांना
डोळ्यांतील नितळ समुद्राला
चेतवून नेणारी एक अबलख पारू.
No comments:
Post a Comment