हुकूमशहा गावात येणारय
म्हणून ही मुलं खुडून आणल्येत
कमानी, पताका, बॅंड, पोलिस;
सूर्यालाही धरुन आणलेलं ओलिस
एक केसाळ हात ढगातून उपटतो
नि मलाही गर्दीत बेमालूम ठेऊन जातो
आपोआप एकेका हातात फ़ुगे येतात;
एकेकात बावटे फ़डफ़ड करु लागतात
शिट्यांची कोल्हेकुई, पोटात वाफ़ा,
आलालल्ला हुकूमशहाचा लफ़्फ़ेदार ताफ़ा.
हुकूमशहाची नजर सहज माझ्याकडे वळते;
पॅंटीतल्या पॅंटीत मला चिरकायला होते.
-सदानंद रेगे
Subscribe to:
Post Comments (Atom)
No comments:
Post a Comment