देवगाव- बहिणाबाई


देवगांव माझे माहेंर साजणी । वेरूळ तेथोनी पूर्वभागीं
देवांचा समूह सर्व जयें ठायीं । मिळालासे पाहीं देवगांवीं
हिमालयाहुनी चालिला अगस्ती । चातुर्मास्य वस्ती केलीं जेथें
तेथुनी पश्चिमें शिवनग वहात । तीर्थ हें अ तीर्थांमाजीं
लक्ष तीर्थ जेथें येउनी सर्वदा । लाक्षायणी सदा वास तेथें
तें स्थळ पवित्र देखोनी अगस्ती । अनुष्ठाना येती दिनोदयीं
वर हा दिधला ऋषी अगस्तीनें । लक्ष तीर्थें जाण लावग्रामा
स्नान-दान करी जप अनुष्ठान । सिद्धि तेथें जाण होये नरा
अगस्ती राहोनि देवगांवी जाण । शिवनदी-स्नान करी सदा
बहेणि म्हणे ऐसें स्थळ देवग्राम । तेथें माझा जन्म झाला असे

-बहिणाबाई

--

शिवनद- शिवणा नदी
लावग्राम-लाक्षाग्राम, देवग्राम

0 comments:

Post a Comment

 
Design by Pocket Blogger Templates