भावातुर नजर तुझी,
भावोत्कट शब्द तुझे,
आठवती अजुनि मला;
अजुनी ना जखम बुजे.
अजुनी या विजनांतहि
प्रीतीचे स्तूप खडे;
...कललेले उंच माड
तुटलेले उंच कडे;
संथ निळा खोल डोह;
पंथ तृणांतिल हिरवा;
निजलेल्या पाण्य़ावर
बगळ्यांचा शुभ्र थवा;
नील नभा लुचणारीं
नील नील गिरीशिखरें;
रात्रीच्या खडकांतिल
सनईचे गार झरे...
अजुनी या विजनांतहि
प्रीतीचे स्तूप खडे,
त्याज वळुन जातांना
नावडतें तेच घडे!
-विंदा करंदीकर
Subscribe to:
Post Comments (Atom)
मी कृतज्ञ आहे.
ReplyDeleteत्या जवळुन जाताना
ReplyDelete